|
Dis nach geschriebn ist ain register ueber das buch von dem weg zu dem hailgen grab von Jerusalem in gelopte och egipte und surja land un wonder hierin begriffen.
Wan si fil sind die nu ain mal in dem gelopten land gesin sind und fil davon schriben, so han ich, ulrich lemaa, fuer mich genommen es in geschrift zu setzen wann ich sechs jahr stätteklich die selben land durchwandlet hann mit graffen, ritter edling und denn mit koflut und in mengerlay weis och dasselbig mär angelich durchwandlet han und durchfaren bin, so setz ich mir ds in geschrift mir zu ain gedaechtnis und memori und denen die es gern lessent für ain curtzweil und zu ain dächtnis.
Wann das gesegnet oder gelopt land ist das land das got abraham un sinen sonan verhaissen un gegeben hatt und unser herr Jesus Christy hat das selbig land mit sinem kostbaren blut selb gewiht un benediget und geeret mit siner gegenwertikait un erwirdikait.
In unser menschlicher blödikait er hatt och in disem gelopten land das menschlich geschlächt von der ewigen verdammnis wollen erlösen wi er wol jetzt das selb land von unser sünd wegen dip gestrauft ist worde un gekomme als mann in der halgen geschrift woll find in der alte un nurem c.
so find ich das das halig gelopt land un das hali grab vonn Jerusalem sid cristus geburt fier malen genommen ist worde |
